حصل في الحياه ..
.gif)
اه النهارده كان يوم عجيب اوي كنت رايحه الكليه مخنوقه اويي مش معقول الي بيعملوه ده فينا دراسه من اول يوم في السنه وكمان قبل العيد ياربي مش كفايه لا رحمونا صيف ولا شتا طحن طحن طول السنه يعني الناس بتخلص امتحانات وتفرح انهم اخدوا الأجازة احنا بقى يا عيني طلعلنا في المقدر جديد التدريب الصيفي علقه سخنه جدا بعد الأمتحانات ما علينا كان المفروض يريحونا بقا الشويه دول مجتش على 10 ايام قبل العيد .. الي زاد وغطا النهارده ..رحت جالنا دكتور لماده ما شكلك كده مبشر بالأمل يعني شكلنا هنفهم بس مش عارفه انا مالي كنت قاعده هاعيط ليه ف المحاضره خصوصاً لما بيبص ع البنج بتاعنا اصل الماده شكلها سهل بس العيال الي اكبر منا قالولنا ديه وحشه وهتشيلوها خوفوني مووت مع اني الحمد لله فهمت الشرح وكنت باحل الأمثله اصلي بعد قرصة الودن السنه الي فاتت في الترم الأول حرمت اكبر الدي وقلت بقا ربنا ان كرمني هاذاكر واركز بس انا يمكن كنت مضايقه لأن صاحبتي لولو محضرتش النهارده وفاتتها المحاضره وده كان معصبني اووي قبل المحاضره جوه المحاضره كان هيحصل موقف رهيب...
الولد اشطر ولد في دفعتنا كان هيطرد ...اه والله طبعاً اكيد استغربتم ليه ؟؟ لأنه ولد تمام ومركز يعني ازااي كده اصل الدكتور شكله كده طلع من الفريق الأحمر_ يعني اهلاوي_ والولد زيي من عشاق شيكابلا يعني الفريق الأبيض وفضرب مثل للدكتور ع المحاضره بعلاقه الكوره بموضوع المحاضره قام الدكتور قاله اطلع بره !!!
في الأول شكله كان بيتكلم بجد ...بس شويتين وكان البسمه ع وجهه وقعد يهزر مع الولد ويقوله هاالبسك تشيرت احمر وهاصبغلك شعرك احمر برده....طيب ماهو البدر ابيض يبقى لازم الولد يبقى زملكاوي
ههههههههههههه علت الضحكات في المدرج وقال بعديها الدكتور مين تاني زملكاوي
طبعاً ساعته اعلنت اهلويتي وسبت الزمالك اصل زي ماانتم عارفين " الجبن سيد الأخلاق" يالا خلصت المحاضره وحصل موقف تاني
كنت مستنيا واحد باشمهندس زميلي المفروض كان هيجيبلي برنامج بس نسيت اصلاً اني قلتله ع حاجه وكنت قاعده في مدرج البنات اصل احنا عندنا موحدين الجبهات مدرج للبنات ومدرج للبنبن اها "اهلي" و "زمالك" المهم اتخضيت خضه_لأن قلبي خفيف جداً من كتر المقالب الي اتعملت فيه_ الباشمهندس اه بتاع البرنامج افتكرت ساعتها بيتهيء لي ما قولتلوش حتى شكراً بس والله مكنش قصدي معلش الف الف مليون شكراً يا باشمهندس بجد تعبتك معايا
مش عارفه انا كتبت الموضوع ده ليه بس حسيت اني عندي طاقه مكبوته وبقالي سنتين مكتبتش اي مقالات ولا قصص
معلش صدعتكم بس ميرسيه لأنكم قريته القصه وشرفتوا المدونه
.gif)
.gif)
Falling hearts Here
12 التعليقات:
المهم ان اليوم عدى على خير
هى الكلية كده قرف وتعب اعصاب
معلش يا بنتى
تعيشى وتاخدى غيرها
ههههههههههههه
ههههههههههههههههههههههههههههه
الحمد لله ربنا ستر..(بيني وبينك انا زملكاويه بس شكلي هحول السنه اللي جايه اهلاويه عشان الدكتور ده)..
شكراً نور فرحتيني اوي لما شوفتي المدونه بس عندك حق هيا ارف
هسسسسسسس
ممكن نظبط كده ويرفدونا
حولي من دلوقتي عشان الأحتياط واجب برده
هههههه.انتي شايفه كده؟؟؟؟خلاص يابنتي هحول وامري لله..شكل الكليه كلها كده
مبنيه على(الجبن سيد الاخلاق)ربنا يستر علينا دا احنا لسه براعم الكليه وبتخوفونا من دلوأتي..
بس بجد مواضيعك حلوه اوي...
كل عام وانت لخير
لأ يا هوبي اخوفك ايه بس ده الواحد لازم يمشي جنب الحيط بس اوعى الجيطه تقع عليكي
ههههههههههههه
غير معرف يقول...
بس بجد مواضيعك حلوه اوي...
25 سبتمبر, 2008 08:41 م
ميرسيه كتير ده بس من ذوقك
ياريت فعلاً كل كلامنا يبقى على بلاطه بدون قيود او خوف شكراً جداً اخي الغالي الفاضل على مرورك الشريف
الف مبروك على المدونه
ولو انى زعلان لأنك ماقولتليش عليها
يعنى متابعانى ومستخسرة فيا انى اتابعك انا كمان؟
زكمان طلعتى زملكاويه؟
يا فريق سكه بيشيل بالسته؟:))
عموما الف مبروك على المدونه
وكل سنه وانتى طيبه
ههههههههههههههههههههههههه
وانتى طيب يا دكتور بس انتا بتشرفني من غير كلام ومتزعلش مني بجد سوري
وبعدين انا خلاص حولت الأهلي ومفيش بقا زعل منورني يا دكتور والبلوح بلوجك
إرسال تعليق