تـــــــــــــــــــــــوبــــــــــــــــي يــــــــــــا نــــــــــــــــــــفـــــــــــــــــــــســــــــــي


نفسي اتوب نفسي اتنفس ريحه الجنه
نفسي معاك يا محمد اعيش واتهنى
نفسى اصوم رمضان وفيه اقرا القران
وارجع تاني للرحمن بعد غيابي عنه ثانيه
نفسي افكرك في الاذكار واقراها ليل ونهار
نفسي اقرب يا رحمن نفسي اقرب كمان وكمان
نفسي ابعد عن الشيطان وبايدي ابقا انسان
نفسي اتعلم ابقا شريف من جوايا قلبي نضيف
نفسي احس بريح الجنه وفي العلياء اعيش واتهنى
نفسي تغفر لي ذنوبي وترحمني جيت لك بدموعي
نفسي اكون شريف ونضيف كل خطيه تغفر ليا
ارحمني يا رحمن وانا ليك هاحفظ القرآن


الكلمات البسطه ديه مني لجميع المدونين الي اعرفهم والي معرفهمش ده احساس بس حبيت اوصله ليهم عشان احنا على اعتاب

العشرة ايام الاوائل من ذي الحجه ربنا يكرمنا جميعا  ويجعلنا من أتقيائه ويغفرلنا ويقدرنا نصومهم ونذكر لله والي مبيصليش يصلي 

واالي قاطع رحمه يصله والي مزعل حد يصالحه والي مخانقه مع حد يصالحه والي عاصي والديه يستسمحهم ويارب نبقى احسن امة 

واحسن عشريه عاشت  على الارض

ومن قيل ومن بعد "اللهم اغفر لي ولوالداي ما تقدم من ذنب وما تأخر"

  • Digg
  • Del.icio.us
  • StumbleUpon
  • Reddit
  • RSS
Read Comments

NEW LOOK TEAWATER



السلام عليكم ورحمة الله وبركاته

أنا عارفه اني عمري التدويني صغير اووووي بس يعني كان نفسي اعمل لوك جديد للمدونة بتاعتي اغير شكلها وتصميمها بصراحه

انا عجبني الشكل ده وبعد ما حطيته وصممتله البانر بنفسي واختارتله الصور بتاعته وطبعا استرجعت قايمة المدونين الي بقرأ ليهم

ندمت اووووووي ووحشني اللوك القديم اعمل ايه بقا ما هو ده الحس الانتمائي بتاعي عموما يارب يكون اللوك الجديد ده شكل حلو والناس

والمدونين الغاليين الي بيعلقوا عندي يكون عجبهم اللوك ويكون مريح لعيونهم الغاليه ياريت يعجبكم اللوك وتحسوه زي زمان

مع تحياتي

Teawater

  • Digg
  • Del.icio.us
  • StumbleUpon
  • Reddit
  • RSS
Read Comments

فدوى


بحبك وانتي عارفه وياريت متسبنيش 

وابقي مرة ع العشرة وياريت ماتلومنيش
انا كنت جرحتك بس مني متزعليش
وانتي غاليه يا حبيبتي فمنك متحرمنيش 
واللحظات الحلوة بينا بتقولك متنسينيش
فدوي ايوه ده اسمك وبحبه متسالنيش
انتي ضي عنيا فمن النني متهربيش
تعالي ننسا القسوة  ونبتدي نعيش
الي فات يا حبيبتي ظلم لينا ميتنسيش
الي زعلك يا حبيبتي مش سهل يعيش
يالا ننسى ونسامح وليه من الاول منبدتيش
ايوه عارفه انك فهمتي سامحيني ومتلومنيش

  • Digg
  • Del.icio.us
  • StumbleUpon
  • Reddit
  • RSS
Read Comments

أتعلمت حبيبي



اتعلمت منك
اتعلمت منك أخبى وأدارى
اتعلمت منك اخفى إحساسى
اتعلمت منك أدارى حبك
اتعلمت منك كتير يا حبيبى
من كتر ما بتخبى خبيت



من كتر ما بتدارى داريت
خفيت إحساسك خفيت إحساسى
يبقى ليه مستغرب حبيبى ؟؟
انا زيك برضوا خايفة انجرح
انا مش حمل جرح القلب
خايفة يبان عليا حبك علشان كده
بحب ابعد


لكن نهرب يبقى بنضعف قدام الزمن
لازم نقوى لازم نبعد
بدل الحيرة لازم نختار
نبعد ولا نحقق حلمنا بايدنا

حبى وحبك هو الحلم اللى عشانه عشنا حبيبى
لما يضيع منا الحب يبقى حياتنا ضاعت حبيبى
لو بعدنا ننجرح لو قربنا وخوفنا ننجرح
ليه الحيرة بس يا قلبى


الشعر غير موجه لحد كل الي عاوزة ابينه هو قسوة الحب وقد أيه بيأثر بجد فراق الاحباب خصوصا لو كان الحبيب قاسي
البوست ده نزلته بدل قصه "الجميله والقاسي" لأني بصراحه كنت مشوشه شويه فمعرفتش اظبط اللغويات بتاعتها
وكمان لن عالم التدوين وحشني
شكرا لك الي سالوا عليا فترة غيابي البوست الي جايه هاوضحلكم انا غبت ليه واعذروني كانت مجرد ظروف صعبه وضغط قوي
تنبيه اخير: بالنسبه الناس الي هتشتغل معايا في دروس الفوتوشوب انا هنزل بكره تعريفات الأدوات والسبت هنزل اول درس وتابعوني ع البلوج بقا بتاع الفوتوشوب

  • Digg
  • Del.icio.us
  • StumbleUpon
  • Reddit
  • RSS
Read Comments

أرتديت معطفي وخرجت من حجرتي..................لكني سأعود حتماً


نظرا لأحداث كتيرة متشابكه مريت بيها الفترة الاخيرة قررت قرار هو اني اخد هدنه كده شويه اعالج فيها الي مشاكل الي حواليا ونظرا

ايضا تني شعرت بان حياتي اظلمت قليلاً فقررت ان ابعد لفترة اقعد فيها مع نفسي

واظبط نفسي نفسياً ودراسياً واهتم بمدونتي الجديده Photoshop World الي عملتها عشان اتعلم فيها انا وزمايلي وكل عشاق

الفوتوشوب مهارات ودروس جديده للفوتوشوب يعني كمان قلت اخلص قصتي الي بكتبها والي هتبقى مفاجأه ان شاء الله وهاحاول استفيد

بالنقد الجميل الي اكتسبته من نشري لقصتي السابقه يارب غبتي متطولش لأني لما باغيب ده معناه حاجه من الاتنين ياما مشغوله يا ما

حزينه وانا بصراحه حاليا الاتنين ادعولي يعدي الميد تيرم ع خير وتعدي الظروف الي بمر بيها ديه كغمامه سريعه عشان ارجع تاني اقف

بعد ترتيب حساباتي وبجد هتوحشوني وزعلانه اوي اني مضطرة اغيب هتوحشني كيارا ومها واحسان بك وشفقه هانم وبرنسييس

بيري وقلم رصاص وسمايلي روز و بيج دريم واي حد حاسباتي هيوحشني و محمد غاليه بتاجه الجميل الي مش هانساه ودكتور عمرو فاروق ودكنورة ناعومي وسلسبيل وقديس الحب "رومنسي"و مامتي شموسه"شمس النهار و ........وكل الناس الي سابوا عندي

ع الاقل تعليق ولو حتى زاروني ولو لمرة وكل عالم التدوين وبوستاتي ومدونتي

هتوحشوني

  • Digg
  • Del.icio.us
  • StumbleUpon
  • Reddit
  • RSS
Read Comments

فارس الحب................ قصص من تأليفي



يااااااااااااااه بقالي فترة كبيرة اوووووووي مكتبش قصص زي زمان انا بحب تأليف القصص اووووووووووي عشان كده
قلت اكتبلكم اخر قصة كتبتها وهي قصه كتبتها لشخصية عزيزة على قلبي اوووووي وبحبها جدا لأنها بالظبط زي الملايكه في طيبتهم وعمري حتى لو فرقتنا الأيام عمري ما هانساها لأنها شخصية الحلم الجميل الي عشته واتمنى طول عمري اعيشه


القصه بعنوان فارس الجب مهطولش وهاسيبكم بقا مع القصه من تأليفي.............


يحكى ان في قديم الزمان
كان هنالك فارس امير مملكة الحب.
احب فارسة اميرة مملكة الجمال وكان يرسل لها خطاباته وقصائده ليعبر لها عن مدى اعجابه بها وحبه الشديد لها وظلت الأميرة تعشق الأمير دون ان يتقابلا او يتصاافحا كلاً منهم عشق الأخر دون ان يراه
ربما يتسأل البعض كيف تقابلا وكيف وجدا كل منهم الأخر واين ؟؟ ارى ان الجواب الوحيد لذلك ان ارواحهم تقابلت في السماء فقمة الحب ان تعشق مالا تراه
وظلا هكذا اعوام يرسمان صورة الحب الخالص ويحفرا ذكرياتهما كلا منهما احب الأخر وعشقه وجسد له صورة الحلم الجميل والذكرى الخالده الا ان اتفقا ان يراها ويتقدم لخطبتها حتى تصبح المملكتين امارة واحدة للعصافير الجميلة والزهور الرقيقه تبدع فيها الحانها وتشدو عبيرها الخالص وقبل اللقاء علمت الأميرة باصابة الأمير مرض بعينيه وفقدانه بصره فقررت ان تختبر مدى احساسه بها فالأحساس وهج الحب الذي يضيئه ويفعهمه بالحيوية فقالت له في خطابها سارسل لك ثلاث مهرات صغيرات من القصر احدهم فقط هي مهرتي لو انك تحبني ستعرفها من دون شك قبل الأمير عرض اميرته وقال لها ان عينياي قد فقدتهم يا حبيبتي لكن اراكي بقلبي ووجداني لأن عيناي لم تراكي قط فقلبي هو من رأكي وارسلت الأميرة مهراتها الثلاث وبالفعل تعرف عليها بفراسة الفارس المعروفه فقد كانت تفوح من المهرة المخصصه رائحة العطور الملكية المميزة وعندما ارسل لها مهرتان الأخرتين علمت انه حقاً احبها وانه هو المختار فقررت ان تذهب له وجمعت كل ازهار الحب بالمملكة واحاطت بها العصافير وارتدت ثوبها المزكرش التي اعدته لليلة الحب الخالصه وذهبت لأميره كبوتقه احاطت بها الأنوار او كماسه تتلألأ وتنير ما حولها وحين ذاك ابصر الأمير وعاد له نظرة من جديد واقسم انها اجمل مما توقع بكثير وانها انارت قلبه قبل ان تنير عينيه وعاشا الأمير يحب اميته كما عاشت الأميرة لأجل اميرها وانجبا طفلان بنت وولد سمياهم حب وحنان حتى يجسدا لهم كل الذكريات الجميله التى عاشاها في السابق


وانتهت الحكاية

  • Digg
  • Del.icio.us
  • StumbleUpon
  • Reddit
  • RSS
Read Comments

تاج السعادة

تاج السعادة
التاج ده جالي من الأستاذ محمد بصراحه انا مقدرش ارفض طلبه خصوصاً ديه اول مرة كمان التاج جميييييل اوي بس انا مش عارفه خاااااايفه اجاباتي هي الي متنكش جميله
ربنا يستر
وياريت اكون عرفت اجاوب عليه كويس
التاج السؤال الأول:ماهى السعادة من وجهة نظرك؟
وهم كبير
السؤال الثانى:
كيف تصل إلى السعادة؟
لما اخلي الي حواليا سعداء اكيد هبقا سعيده
السؤال الثالث:
هل السعادة وهم أم أنها حلم صعب؟
الأتنين
السؤال الرابع:
هل السعادة طريق للنجاح ؟وضح؟
مش شرط ممكن اكون حزينه وحزني يخليني اتحدا الحالة ديه واحاول انجح بس نسبة النجاح الي هيحققهاالأحساس بالسعادة اكيد اكبر
السؤال الخامس:
ماهى أكثر اللحظات التى شعرت فيها بالسعادة؟
لما كنت بانجح في دراستي كنت بابقا سعيده جدا
السؤال السادس:
هل ممكن أن تحقق كل شىء؟
ممكن اقنع نفسي بكده لكن محدش يقدر يوصل للكمال ومفيش حاجه اسمها نسبة المائه بالمئه
السؤال السابع:
السعادة تجعلك تقبل على الحياة أم لا؟
لأ بالعكس لما احس بالسعادة مش هابقى عاوز الحياة تمر هابقى عاوزاها تتجمد عشان افضل عايشاها بسعادة
السؤال الثامن:
هل أحسست يوما انك وصلت لقمة السعادة؟
لأ لسه بس اتمنى وممكن يبقى قريب وممكن ميحصلش
السؤال التاسع:
لماذا تمر أوقات السعادة بسرعة؟
عشان هي عامله زي الأحلام او الأكلة اللذيذه بتدوب ف الفم بسرعه
السؤال العاشر:
هل ترى السعادة فى التدين؟
اه حلو اوي السؤال ده واجابتي عليه اكيييييييييييييييد انك تبقى حاسس بربنا وهو حاسس بيك قمة الحب في الله يحقق اعلى معدلات السعادة **نظرية تيووتريه
السؤال الحادى عشر:
هل أنت متفاؤل وعندك أمل؟ وضح؟
باعتبر نفسي من الناس المش متفاؤلين وبرده مش بحب التشاؤم بس لو فشلت بحب ابقا عنيده عشان مبقاش انهزمت واحاول انجح واقف تاني
السؤال الثانى عشر:
إذا شعرت بالحزن ماذا تفعل؟
هاعيط جدااا واحاول ادور ع حد بحبه وارتاحله عشان احكيله
السؤال الثالث عشر:
هل يستمر معك الحزن فترة ام ينقضى فى الحال؟
لأ انا السمة الغالبه على حياتي هي دموعي وكمان دموعي بتنهمر بسرعه وشايفه اني بحب الموسيقى الحزينه والشعر الشجن والعصافير الحزينه يعني من غير سبب انا كده
السؤال الرابع عشر:
ما رأيك فى الأفراد المتشائمين؟
بيضيعوا وقتهم لأن الحياة مش مستاهله اننا نقف عندها الا عشان نتعلم من الاخر يعني عنوان المدونه
Life is to learn
هو ده نصيحتي ليهم
حبيبت اشكرك بصراحه تاج متماشي معاك جداً ومع مدونتك استاذي الغالي شكراًتاج فوق الرائع

  • Digg
  • Del.icio.us
  • StumbleUpon
  • Reddit
  • RSS
Read Comments

Day of Love



اولاً انا عندي شويه قضايا حبيت اطرحها وياريت انتظر ردوركم عليها لأنكم اكثر رشداً واكثر حكم


يوم الحب بيقولوا 4 نوفمبر ..........!!!!!!!!!!!!!!




بس انا شايفه ان الكاتب الجميل والساسيي الرائع مصطفى امين لما طلب في السبعينيات من القرن الماضي الأحتفال بيوم الحب


كان عشان يبقى في تألف بين الناس بعدما حضر جنازة ووجد ان لا احد حضر الجنازة....فقلت ان ده سبب رائع ونبيل يبقى ليه منحتفلش؟؟




هو مش كان اصلاً يوم 14 فبراير ............ايه الحكايه؟؟



انتشرت على جميع المدونات ومواقع الإنترنت والفيس بوك، رسائل تدعو جميع المصريين لتحويل يوم 4 نوفمبر من عيد الحب إلى عيد فى حب مصر.
ويتزعم تلك الفكرة مجموعة من شباب 6 أبريل، الذين بدأوا فى دعوة كل الطوائف المصرية إليها،
وأهم مراسم الاحتفال بعيد حب مصر تتمثل فى تعليق علم مصر فى البالكونات والزجاج الخلفى للسيارات،
وعلى أن يبدأ الاحتفال فى هذا اليوم مع بداية اليوم بالجامعة وأنشطة الطلاب المختلفة،
على أن يتم التجمع الساعة الخامسة على كورنيش النيل دون أى مظاهرات أو هتافات، سوى بعض اللافتات والأعلام
التى تعبر عن حبهم لمصر



يعني جميل قوي اننا نحب مصر



ناس بتقول يوم الحب.......... حرام!!!!!!!



يعني ان مش فاكره الحديث الشريف اوي بس الي فاكراه ان بيقول ما نتشبهش باليهود طيب




بس فاكره برضه ان النيه مطلوبه يعني لو نيتي اني اعبر للقدامي بحبي اكيد مش هيبقى فيه مشكله




الحب احساس حلو برده وياريت كلنا نحسه ونلاقي الي يشاركونا فيه




مش شرط يبقى ليه يوم معين يعني اليوم الي هيرتبط فيه اتنين بيحبوا بعض اكيد يوم حب بالنسبه لهم وهكذا اي يوم تاني على نفس الوتيره



اليوم ده بيعجبني عشان.......................عشان ايه؟؟





بصراحه انا بحب اليوم ده عشان الورد اللي بيقى مفتح اوي وحلو اوي وعلى عكس كل الناس




انا بحب الورد الأبيض والأحمر برضه ليه سحره الخاص.




بيعجبني برده عشان الكلمات الشعريه والقصايد الجميله الي بتطلع منه




انا ما شفتش حد كتب على البلوج من اللي اعرفهم عن يوم الحب الا" واحد" بس




البوست هايل جدا ورقيق موت ومشاعره حلوه




ديه بقا اخيراً كلمتين حب كده








بهديلك في يوم الحب أجمل كلمات الحب
كم انتى يا حبيبي ترسم البهجة على قلبي
أنا لن انساك لحظة انت معي في كل لحظة
أرسمك على قلبي وبداخل قلبي
تسير في شريان دمى
حبيبي أهديك كل الحب
اسعد عندما اسمع صوتك وأطير من الفرح عندما اراك
تملاء قلبي حب وإملاء عمرك حب
في هذا العام احبك بكل أنواع الحب
حبيبي أهديك كل الحب
انت تخفف الامى وتخفف جراح
وتهتم بأدق تفصيل حياتي
وتهتم بما يسعدني وما يرضيني
اقبل منى قلبي هدية لك أنها اقل من حبك لي
اقبلي عمري وحياتي اقبلني فداء لك
احبك احبك يا حبيبي




انا بقا لو بحب حد هاديله الصورة ديه
بس للاسف انا لسه ماقابلتهوش

باتمنى يكون مخلص صادق امين عشان يبقى بجد افضل شخص لأفضل يوم

اه هي ديه عشان الحب احساس مش بالكلام


يارب البوست ميكنش تقيل عليكم بس انا طلعت الي حساه







  • Digg
  • Del.icio.us
  • StumbleUpon
  • Reddit
  • RSS
Read Comments