تاج السعادة
تاج السعادة
.jpg)
.png)
التاج ده جالي من الأستاذ محمد بصراحه انا مقدرش ارفض طلبه خصوصاً ديه اول مرة كمان التاج جميييييل اوي بس انا مش عارفه خاااااايفه اجاباتي هي الي متنكش جميلهربنا يستر
وياريت اكون عرفت اجاوب عليه كويس
التاج السؤال الأول:ماهى السعادة من وجهة نظرك؟
وهم كبير
السؤال الثانى:
كيف تصل إلى السعادة؟
لما اخلي الي حواليا سعداء اكيد هبقا سعيده
السؤال الثالث:
هل السعادة وهم أم أنها حلم صعب؟
الأتنين
السؤال الرابع:
هل السعادة طريق للنجاح ؟وضح؟
مش شرط ممكن اكون حزينه وحزني يخليني اتحدا الحالة ديه واحاول انجح بس نسبة النجاح الي هيحققهاالأحساس بالسعادة اكيد اكبر
السؤال الخامس:
ماهى أكثر اللحظات التى شعرت فيها بالسعادة؟
لما كنت بانجح في دراستي كنت بابقا سعيده جدا
السؤال السادس:
هل ممكن أن تحقق كل شىء؟
ممكن اقنع نفسي بكده لكن محدش يقدر يوصل للكمال ومفيش حاجه اسمها نسبة المائه بالمئه
السؤال السابع:
السعادة تجعلك تقبل على الحياة أم لا؟
لأ بالعكس لما احس بالسعادة مش هابقى عاوز الحياة تمر هابقى عاوزاها تتجمد عشان افضل عايشاها بسعادة
السؤال الثامن:
هل أحسست يوما انك وصلت لقمة السعادة؟
لأ لسه بس اتمنى وممكن يبقى قريب وممكن ميحصلش
السؤال التاسع:
لماذا تمر أوقات السعادة بسرعة؟
عشان هي عامله زي الأحلام او الأكلة اللذيذه بتدوب ف الفم بسرعه
السؤال العاشر:
هل ترى السعادة فى التدين؟
اه حلو اوي السؤال ده واجابتي عليه اكيييييييييييييييد انك تبقى حاسس بربنا وهو حاسس بيك قمة الحب في الله يحقق اعلى معدلات السعادة **نظرية تيووتريه
السؤال الحادى عشر:
هل أنت متفاؤل وعندك أمل؟ وضح؟
باعتبر نفسي من الناس المش متفاؤلين وبرده مش بحب التشاؤم بس لو فشلت بحب ابقا عنيده عشان مبقاش انهزمت واحاول انجح واقف تاني
السؤال الثانى عشر:
إذا شعرت بالحزن ماذا تفعل؟
هاعيط جدااا واحاول ادور ع حد بحبه وارتاحله عشان احكيله
السؤال الثالث عشر:
هل يستمر معك الحزن فترة ام ينقضى فى الحال؟
لأ انا السمة الغالبه على حياتي هي دموعي وكمان دموعي بتنهمر بسرعه وشايفه اني بحب الموسيقى الحزينه والشعر الشجن والعصافير الحزينه يعني من غير سبب انا كده
السؤال الرابع عشر:
ما رأيك فى الأفراد المتشائمين؟
بيضيعوا وقتهم لأن الحياة مش مستاهله اننا نقف عندها الا عشان نتعلم من الاخر يعني عنوان المدونه
Life is to learn
هو ده نصيحتي ليهم
حبيبت اشكرك بصراحه تاج متماشي معاك جداً ومع مدونتك استاذي الغالي شكراًتاج فوق الرائع
حبيبت اشكرك بصراحه تاج متماشي معاك جداً ومع مدونتك استاذي الغالي شكراًتاج فوق الرائع
.gif)
.gif)
Falling hearts Here
12 التعليقات:
أختى العزيزة
حقيقى إجاباتك رغم البساطة بس إجابات رائعة تحمل فلسفة خاصة
دمتى بكل ود
شكرا جزيلا على قبولك للتاج
دمتى بود وفى سعادة
تحياتى
أخوكى محمد
mohamed ghalia.........
مش عارفه ليه كنت حاسه ان حضرتك هتبقى اول رد عشان كده جيت جري ارد على اول رد
ان بصراحه بحب البساطة وبحب الأختصار مش بحب اكلم كتير وكويس اووووووي ان اجابتي نالت اعجاب حضرتك منور تاجي لأ تاج حضرتك وعاوزه اقول لحضرتك ان التاج جميل اوووووووووي وبمثابه تجربه جميله جدااااااااااااا
عزيزتى الغالية شيماء
احييك على اجاباتك الجميلة
والأجمل اسئلة تاجك الرائع
وفعلا صديقتى السعادة شيئا كامنا
بداخل كل فرد منا وقد تظهر فى اسعاد
الاخرين وقمة السعادة عندما نشعر
اننا مصدر فرح وسعادة من يحيطون بنا
اتمنى ان تدركى تلك السعادة قريبا
وتكتمل سعادتك بقربك من الله
ونحن معكى
تقبلى تحياتى
smilyrose
روح الحب الصادق
التاج دة مميز فعلا
عشان كل اسئلته تدور حول محور السعادة
السعادة اللي كل الناس عمالة التدور عليها
احييك على اجابتك
و اتمنى لك السعادة الدائمة
و عقبال للتاج عندي
دمتي في حفظ الله
برافوو
حليتي التاج
شاطوره :)
أحلى حاجة في أي تاج إنه بيعرفنا على صاحبة المدونة أكتر
جميلة اجاباتك و بتدل قد إبه شخصيتك جميلة
أحييك بشدة على نظريتك التيوترية ;-)
دمت بكل الود !
السعاده دى شئ محسوس الانسان بيحس بيه فى لحظات كتير
ممكن السعاده تكون لما اهدى حبيبى هديه
ممكن تكون لما اشعر بالدفا فى عز البرد
ممكن تكون بضمه ايد مع ايد نحس بنبض بعض
السعاده ليها اشكال كتير
بس لازم الانسان يعيش اللحظه بكل ما فيها
كل تاج وانتى طيبه
وكل عيب حب وانتى طيبه
بما ان البوست بتاريخ 4/11
smilyrose ...
تعرفي بابا دايماً بيقولي الجميل بيشوف كل حاجه حلوة زيه
ميرسيه بس انتي اخجلتي تواضعنا يا قمر ويارب اشوف كومنتاتك هنا دايما
الطالبة عفو الله........
ديه اول مرة تنوريني والله انتي كده بتذودي احساسي بالسعاده
نورتيني يا قمر
كيارا.......
شفتي شاطورةتلميذتك يا ميس كيارا
ههههههه
منورة التاج يا حبيبتي
قطرات من شواطئ الحياة ...
ايه القمر الي منور عندي البوست ده يا اخواتي
بس تعرفي الأجمل انها بتعرف ع ناس حلوين زيك
منورة يا قطرات
romansy.........
انا سعادتي بجد لما نورت البلوج وشرفته ورديت فيه ازيك يا رومنسي عامل ايه؟؟
كل سنه وانتا طيب
وميرسيهعلى ردك يا قمر منور تاني
إرسال تعليق