يا احلى ذكرياتي
.png)
أول رساله ليا بعد العيد ما خلص وخلاص اهوهندخل في معمعة الدراسه يعني هاقول لنفسي الكلام ده اصبر نفسي على الخيبه الي انا فيها وهي اني مش باخلص كتير ونايمه في العسل اوي. ويا دوب اخلص حته الاقي الدكتور خلص فصلين يا عيني على الفشل
لألألألأ مش هنبتديها من اولها كده فشل ايه اعوذ بالله امشي يا شوشو
فينك بقا يا Teawater لما كنت يتقولي لماما زمان "يا ماما امتى هادخل سنه اولى " الله مش اقدر اوصف بصراحه شعوري وفرحتي وانا صغنونه بزعرورتين وكنت باتمنى بقا اكبر بسرعه وادخل سنه اولى أبتدائي وكنت اقعد اعد على ايدي اصل مامتي الشطوره كان بتعلمني وتذاكر لي يا حبيبتي يا قلبي ربنا يخليكي ويديكي الصحه يارب.jpg)
يا حبيبتي يا مامتي كنتي بتعلميني وتذاكري لي و تحبيبيني في المذاكره مش عارفه انا لازم اوريكي البوست ده اول ما اخلص مش معقول يعني مش اشكرك بس اقولك ايه مش لاقيه كلمه يا حبيبتي اقولهالك توفيكي حقك يا حبيبتي.. المهم فضلت احب المذاكره والدراسه كل ما تبدي سنه من حياتي وتكون في مكان جديد _مدرسه اعدادي _ مدرسه ثانوي_كنت بابقا فرحانه بالعالم الي داخله عليها وكنت دايماً احب اتعرف على كل الي حوليا ايوه ديه كانت حاجه لذيذه وجامده ان يبقى ليك اصحاب تحبهم ويحبوك ويفضلوا معاك وحواليك بس
مع الأيام الأصحاب بيبعدوا ويسافروا ويمشوا او ممكن حتى يكون جنبك بس مش لاقيهم او المساحه وسعت اوي بينكوا اه بس انا فاكرخ ذكريات كده اوي حبيت اقولهالكم نضحك اة نعيط مش مشكله بس اهي ذكريات والسلام
المدرسه الأعداديه:
أ/ أحمد مازن مدير المدرسه
انا هاحكي اول يوم وبس عشان الأستاذ ده ليه ذكريات لاتنسى احـــــــــــــــــــمــــــــــــــــــــد مازن يا مامي ايوه البنات كانوا بيترعبوا لما يسمعوا اسمه لأنه كان شديد يعني بيعبط البنات او الولاد كل عنده سواء المهم انهم يفهموا معنى كلمة "عـــــــــــــــــــيــــــــــــــــــــــــــــــب"
ايون يفهموا معناها كويس جداً ويعرفوا يعني ايه العيب والغلط عشان ما يعملهوش ارفع القبعه ثناءً واحتراماً لك استاذي الغالي
المهم ان لقيت نفسي مطلوبه في مكتب المدير .. ايوه اصلي انا شقيه حبتين باحط انفي في كل حاجه ومش باعديها كده بس..ياخبر انا عملت ايه بس ده لسه يا جدعان اول يوم يعني عصفوره بازقزق لسه ماعملش مصايبي المعروفه هههههههههههههه
رحت والعرق يتصبب من جبيني _ايه العربيه الفصحى ديه يالا عدوه محدش يحط في باله_ لمكتب المدير بيتهيقلي لو كان كح بس كحه صغنونه كان اغمى عليا رفع راسه وقالي بنظرته المعروفه انتي فلانه علان راح قالي طيب انتي شكلك حد مش هادي شكلك متعبه ومثيره للمشاكل.!! يا نهار اعمل ايه بقا دلوفتي كل الي عملته صكماً بكماً
راح قالي عاوز نمرة بابا _الموبيل يعني_ عشان موضوع مهم.بابا يا نهار اسود من اول يوم كده استدعاء ولي امر يا نهاااااااااااااااااااااار مش فايت المهم عطيتهالوه راح قالي اتفضلي يقا انتي دلوقتي على فصلك. وقعدت طبعاً من بعد الفسحه مش فاهمه اي حاجه!!!!
_الفسحه الله ذكريات حلووووووووووه فينها دلوقتي تحولت وتمحورت للبريك الممل الخنيق_لغايه ما جه بابا واخدني وعرفت ان الحكايه كانت حكايه شغل وبس يا عيني عليا دمي نشف بس هو كده تمام "الي على راسه بطحه بيحسس عليها"
هههههههههههههههههههههههههههههههههه
كانت كل سنه ليه ذكرياته الجميله وحواديتها الحلوه زي مايوم بوظت ماسوره الميه في الثانويه بنات_كنا بنتوضا والحنفيه مكنتش راضيه تفتح قولت اقوي ايدي عليها وافتح ولأن طبعاً الأساسات الحكوميه عليها صيانه دوريه ومتجدده الحنفيه ماستحملتش وانفجرت الماسوره في قلب الحمام واحنا بلغنا فرار وطيري يا حمام وبعديها عملت الملاك البريء الي ميعرفش اي حاجه عن الميه اساساً وصديقتي العذبه الجميله يارا قعدت تضحك على الموقف تلات ايام
هههههههههههههههههههههههههههههههههه
اه بيتهيئلي معدش فيه ذكريات في الجامعه حلوه كده ولا اصحاب احلى من دول اصبح حالي في الجامعه اشيه بالصوره ديه الي تحت الكلام يالا ادينا قاعدين يمكن يتحفنا الزمان بحكايه زي زمان.jpg)
أنا صدعتكم اكيد بس حقيق ارتحت كتير لما حكيت عن احلام عشتها جميله ضاعت مني دلوقتي
.gif)
.gif)
Falling hearts Here
15 التعليقات:
السلام عليكم ورحمة الله وبركاته
حلوة والله الذكرايات دى
وكل واحد فعلاً عنده ذكرياته أيام طفولته ودراسته
بس بصراحة مش عاجبنى ذكرياتك فى الجامعة
لإن أكيد فيها ذكريات وأكيد أحلى من ذكريات الطفولة
لإن فيها حياة حرة أكتر وكمان فيها بتشوفى ناس من جميع المحافظات
فأنت حسى بيها بس هتلاقيها حياة حلوة
وكمان عندنا فى الكلية بنات كتير زيك كويسة ومحترمة
مش معقول مش فى ذكريات معاهم
ولو فعلاً مفيش مضيعيش الاربع سنين دى بدون ذكريات حلوة
عشان ما تندميش بعد كده على الوقت اللى راح منك فى الجامعة
ومعلش انا آسف لإنى طولت فى الرد
بس هو جه معايا كده بقى
دا بجد احلى صداع
لازم نحكى ونفضفض على الى جوانا
وغير كده انتى بيتقولى ان الدراسه خلاص
يعنى بقى قولى براحتك
ياريت تصدعينا
تانى
وتالت
ورابع
ههههههههههه
كل سنه وانتى طيبه
The Lord Of The Arabian Knights ..
أهلاً يا لورد ازيك ايه الأخبار
منور البلوج بطلتك
انا بقا مش لاقيه اي مكان وسط الشيتات والزحمه والأرف الي بنعيش ده وشغاااااااااالين فيه ان الواحد يعمل حاجه غير انه يتنيل يذاكر
بس تعرف انا احلى ذكرى عشتها ومقولتهاش لما رحت معسكر حاسبات المنوفيه قد ايه كان جميل وحلو اوووووووووي واتعرفت فيه على ناس احلى
بس بجد كجامعه الفيوم ملقيتش ذكريات هناك خالص ليا
romansy ...
وانتا طيب يا رومنسي واذا كان على الذكريات متقلقش احكيلك ع البلوج كتييييييير بس المشكله بقا في الوقت الي جاااااي ادعيلي وانا الاقي وقت ومش هابطل فضفضه
ميرسيه لمرورك الرقيق
الللللللللللللله
فكرتيني بالمدرسه كنت فقر وانا صغننه
بس عاوزه اقولك الجامعه زكرياتها احلي عيشيها ياقمر
سلاموز :)
هاحاول طبعاً يا كيارا اعيشها يارب بس يبقى فيها ذكريات حلوه وجاامده زي بتاعت زمان شرفتيني بالمرور الجميل ده يا قمر
ههههههههههههه
يااااااااااااااه فكرتيني باللذي مضى ... !!
و ا.أحمد مازن ... ؟؟!!
على قد الرعب اللي كنا فيه .. بس تقريباً كده كانت أحلى أيام حياتي فعلاً ... !!
و كلمة عـيـــــــــب ( ع ي ب ) فاكراها ... ؟؟!! D:
ياربي ع الأيام دي .. ياريتها ترجع تاني .. !!
ذكريات إبتدائي - رغم إني مش فاكراها قوي - بس اللي فاكراه إنها برضو كانت جميلة ... !!
و خاصةً وقت الفسحه و جمعية المحافظه ع القرآن الكريم ..
و لعب و هيصه .. و براءة بجد ... !!
أيام ثانوي مش فاكره ليها ذكريات مميزه قوي .. بس أكيد كان فيها إلى حد ما ...
أما جامعة بقى إلى - الآن الحمد لله يعني - أغلب ذكرياتها مش حلوه خالص ... !!
و يتضح لي يعني - اكمني متفاءله - إني هـ اخرج من غير ذكريات كتير حلوة ... !!
الذكريات الوحشه .. مفيش أكتر منها الحمد لله ... !!
يمكن الذكريات بتقل .. لإن البراءه فعلاً بتقل,و القلوب الصافيه بتقل .. مفيش غير الهم بس هو اللي بيزيد ... !!
ربنا يستر ... !!
بوست حلو يا شوشو ...
لو تقدري تكمملي فـ الذكريات .. فـ نحن متابعون ...
و الفكره صراحه عاجباني قوي ...
طلعتيها فـ دماغي تاني أكتب ذكريات أنا كمان ... !!
أصلي حاولت قبل كده فـ موضوع كان اسمه ( ذكريات محفوره ) بس مـ كانش ع البلوج ...
لكن الحمد لله .. مـ حدش ساعدني أكمل ... !! D:
تسلم ايدك يا فندم ... (f)
يا خبر ...... !!!!!!
كل ده تعليق .... ؟؟!!!
معلش يظهر إني سرحت قوي ... !!
اسنحملي بقى ... !! D:
ازيك يا جميلة انتى عثولة خالص اسلوبك جميل حتى وانتى بتتكلمى عن نفسك الذكريات اجمل حاجة فى حياتنا لو وحشة اوى حلوة بس بتعلم منها كل حاجة كويسة ومتقوليش صدعتنيا انتى عصولة
fOsDö2ä ...
اهلاً بيكي يا فستقه منوره
ايه اخبارك؟ تمام
اكيد طبعاً لازم تكتبي التوبيكات بتاعتك عن الذكريات زي ما تحبي واكيد هتنور البلوج بتاعك وانا اول من هيقراها
وعـــــــــــــد
وان شاء الله اول تعليق
fOsDö2ä
انتي بتقولي ايه بس ده كلام ده انتي تفولي وماتقلقيش وبعدين ديه احلى حاجه عندي اني اقرا تعليقك يا قمر نورتيني واكتبي واسرحي وما تقلقيش
PrInCeSS BeRy ...
كل سنه وانتي طيبه يا قمر نورتي البلوج انتي كده حسيستيني ان العيد ولا احلى ولا اجمل من كده نورتي البلوج وشرفتيه واسعدتيني جداً جداً وزيدتيني نور يارب ماتبقاش اخر مره وان شاء الله اشوف بوستك الجديد قريب خالص بجد انتي عثوله جداً وشكراً ليكي كتيييييييير
السلام عليكم
بجد بوست جميل جدا أختي الكريمة
من بلا ماضي فهو بلا حاضر وبالتالي ليس له مستقبل
ايه الكلام الجامد ده.. ههههههه .. ماعلينا
بجد ذكرياتك حلوة .. بس انا ملاحظ انك كنتي شقيه شوية من خلال كلامك ..
الجامعة يمكن انتي ممرتيش فيها بذكريات كبيره .. لكن أكيد أكيد ياما لسه هتشوفي
بس صدقيني رغم ان أيام ثانوي - وعن تجربه - كانت حلوة ومتتنسيش أبدا .. إلا ان ذكريات الجامعه بيبقى لها أثر كبير في تكوين شخصية الانسان .. مهما كانت هي ايه الذكريات دي
عموما كل سنة وانتي طيبة وعيد سعيد عليكم
تقبلي مروري
قلم رصاص
مرور كريم يا اخي الغالي شرفتني
بس انا فعلاً مش شقية انا بحب العب كتير :D
شكراً جزيلاً وجزاك الله خيراً
سلام عليكم
اول زيارة ليا
وعجبتنى اوى مدونتك
كلنا لينا احلام بس الجدع اللى يصمم عليها
اتمنى نكون اصدقاء
سلام
إرسال تعليق